Mae'r credyd cynhwysol yn un taliad misol o fudd-daliadau ar gyfer pobl sydd mewn gwaith a hefyd allan o waith.
Mae'n rhaid i chi wneud cais amdano a rheoli eich Credyd Cynhwysol ar-lein. Bydd yr Adran Gwaith a Phensiynau yn rhoi enw defnyddiwr a chyfrinair i chi i fewngofnodi i'ch dyddlyfr ar-lein.
Dim ond un taliad misol fyddwch yn ei gael ar gyfer eich aelwyd a chaiff ei dalu i'ch cyfrif banc.
Os oes gennych hawl i gael help gyda'ch rent, caiff hyn ei gynnwys yn y taliad misol. Bydd wedyn yn rhaid i chi dalu'r rhent i ni.
Bydd yn dal i fod angen i chi hawlio rhai budd-daliadau ar wahân, er enghraifft fel gostwng y dreth gyngor a 'thaliad annibyniaeth personol'.
Rydym wedi creu cwestiynau cyffredin ar yr hyn y gallai credyd cynhwysol ei olygu i chi.
Mae llawer o wybodaeth hefyd ar wefan yr Adran Gwaith a Phensiynau.
Sut i wneud hawliad
I wneud y broses mor gyflym ac mor rhwydd ag sydd modd, gwnewch yn siŵr fod yr wybodaeth ddilynol gennych:
- Eich rhif yswiriant gwladol a rhif yswiriant gwladol eich partner
- Eich cod post
- Eich cyfeiriad e-bost
- Rhif eich ffôn symudol
- Cyfeiriad eich landlord - Cartrefi Dinas Casnewydd, Tŷ Nexus, Mission Court, Casnewydd, NP20 2DW
- Manylion eich rhent - cysylltwch â ni os nad ydych yn sicr o'r swm cywir
- Dyddiad dechrau eich tenantiaeth - gallwn roi hyn i chi
- Manylion unrhyw bobl sy'n byw gyda chi ar yr aelwyd. Mae hyn yn cynnwys eu henw, dyddiad geni a'u perthynas i chi.
- Manylion unrhyw gynilion
- Manylion unrhyw arian arall a gewch
- Manylion cyfrif banc; cod didoli a rhif cyfrif
Rhesymau dros newid
Cewch eich symud i Credyd Cynhwysol os bydd unrhyw newid i'r dilynol:
- Newidiadau i fudd-dal tai
- Credyd treth plant
- Credyd treth gwaith
- Cymhorthdal incwm
- Lwfans cyflogaeth a chymorth (cysylltiedig ag incwm)
- Lwfans chwilio am swydd (seiliedig ar incwm)
Bydd gan y Gwasanaeth Cyngor Arian ddull am ddim ar reoli arian i'ch helpu i drin eich cyllideb hefyd.